اسرائیلی جنگی کابینہ کے اجلاس سے متعلق خبریں شرمناک ہیں، یائر لیپڈ

اسرائیلی حکومت کے اپوزیشن لیڈر یائر لیپڈ نے غاصب صیہونی وزیر اعظم نیتن یاہو کی برطرفی کا مطالبہ کرتے ہوئے کہا ہے کہ صیہونی جنگی کابینہ کے اجلاس کی خبریں شرمناک ہیں۔غاصب و جابر اسرائیلی حکومت کے اپوزیشن لیڈر نے یہ کہتے ہوئے کہ اس حکومت کی کابینہ کے اجلاس کے بارے میں سامنے آنے والی خبریں شرمناک ہیں اور اس کابینہ کے خطرے کو ظاہر کرتی ہیں، غاصب صیہونی وزیراعظم نیتن یاہو کی برطرفی کا مطالبہ کیا ہے۔غاصب اور مجرم اسرائیلی حکومت، جس نے حماس سمیت فلسطینی مزاحمتی تنظیموں کوختم کرنے اور اپنے قیدیوں کو رہا کرانے کے مقصد سے غزہ پر لشکر کشی کی لیکن اس علاقے میں کئی ہفتے کی جارحیت کے باوجود بھی یہ غاصب حکومت اپنے مقاصد حاصل نہیں کرسکی ہے بلکہ اس کے حکام کے درمیان اختلافات بڑھتے ہی جا رہے ہیں۔