غزہ جنگ، ایران نے بحیرہ روم بند کرنے کی دھمکی دیدی

ایرانی پاسداران انقلاب کے کمانڈر نے دھمکی دی ہے کہ امریکا اور اس کے اتحادیوں نے غزہ میں جرائم بند نہ کئے تو بحیرہ روم سے آمد و رفت اور نقل و حمل کو روک دیا جائے گا۔

ایران کے سرکاری خبررساں ادارے کے مطابق پاسداران انقلاب کے بریگیڈئیر جنرل محمد رضا ناقدی کہا کہ ان لوگوں کو جلد ہی بحیرہ روم، (آبنائے) جبرالٹر اور دیگر آبی گزرگاہوں کی بندش دیکھنا پڑے گی۔

نقدی نے بتایا کہ "کل، خلیج فارس اور آبنائے ہرمز ان کے لئے ایک ڈراؤنا خواب بن گئے تھے، اور آج وہ بحیرہ احمر میں پھنس گئے ہیں۔

” فلسطینی مزاحمتی گروپ نے بھی امریکا پر الزام لگا رکھا ہے کہ اسرائیل کی کھلی حمایت کرکے اور اسرائیل کو اسلحہ فراہم کرنے کے بعد امریکا بھی اسرائیل کے غزہ میں جنگی جرائم میں برابر کا شریک ہے