غزہ کا تنازع بین الاقوامی برادری کی اخلاقی ناکامی ہے، ریڈ کراس
![](https://baseermedia.com/wp-content/uploads/2023/12/1301271_4011396_Red-Cross-Chief_updates.jpg)
عالمی ادارے ریڈ کراس کا کہنا ہے کہ غزہ تنازع بین الاقوامی برادری کی اخلاقی ناکامی ہے۔
ریڈ کراس کی صدر مرجانہ اسپولجرچ ایگر نے دورہ غزہ اور اسرائیل کے بعد جینوا پہنچنے کے بعد میڈیا سے گفتگو کے دوران کہی۔
غزہ میں انتہا کی حد تک درپیش مصائب کو روکنے میں ناکامی کا اثر صرف غزہ پر نہیں دیگر نسلوں پر بھی پڑے گا۔
اقوام متحدہ امدادی ایجنسی کے مطابق غزہ کی 90 فیصد سے زیادہ آبادی بے گھر ہوچکی ہے، 60 فیصد سے زیادہ انفرااسٹرکچر تباہ ہوگیا ہے۔
ریڈ کراس کے مطابق غزہ کے لوگوں کی جبری بےدخلی سب کی آنکھوں کے سامنے ہو رہی ہے، غزہ کی تباہی اتنی حیران کُن ہے جس کی کوئی مثال نہیں ملتی۔