بار کونسلز کا الیکشن کمیشن پر تحفظات کا اظہار، سپریم کورٹ سے نوٹس کا مطالبہ

پاکستان بار کونسل، سپریم کورٹ بار اور سندھ ہائیکورٹ بار نے الیکشن کمیشن آف پاکستان پر تحفظات کا اظہار کرتے ہوئے حلقہ بندیوں پر اعتراض اٹھا دیے۔
پاکستان بار کونسل کی جانب سے جاری اعلامیے میں انتخابی طریقۂ کار، حلقہ بندیوں اور نشستوں کی تقسیم پر تحفظات کا اظہار کرتے ہوئے سوالات اٹھائے اور تمام سیاسی جماعتوں کو یکساں مواقع فراہم کرنے کا مطالبہ بھی کیا۔
اعلامیے میں پاکستان بار کونسل نے کہا کہ تاثر بڑھ رہا ہے کہ موجودہ الیکشن کمیشن شفاف انتخابات نہیں کراسکتا، الیکشن کمیشن کا طرز عمل انتخابات کی سالمیت پر سنگین شکوک کو جنم دے رہا ہے۔