ایران ” انصار اللہ ” کی مدد بند کرے: امریکی وزیرِ دفاع
امریکی وزیرِ دفاع لائیڈ آسٹن نے تنبیہ کی ہے کہ ایران ” انصاراللہ " کی مدد بند کرے، انصار اللہ کے حملے خطرناک اور عالمی قوانین کی خلاف ورزی ہیں۔
یہ بات امریکی وزیرِ دفاع لائیڈ آسٹن نے بحیرہ احمر کی شپنگ لین میں انصار اللہ کے حملوں کے معاملے پر ایک بیان میں کہی ہے۔
انہوں نے کہا ہے کہ انصار اللہ کے حملوں کے معاملے سے نمٹنے کے لیے بین الاقوامی میری ٹائم اتحاد تشکیل دے رہے ہیں۔
امریکی وزیرِ دفاع لائیڈ آسٹن نے کہا ہے کہ یہ بین الاقوامی مسئلہ ہے، جو بین الاقوامی ریسپانس کا حق رکھتا ہے۔
ان کا یہ بھی کہنا ہے کہ مسئلے سے نمٹنے کے لیے منگل کو ورچوئل اجلاس بلایا گیا ہے، جس میں مشرقِ وسطیٰ کے ممالک کے وزراء شرکت کریں گے۔
About Author
