ریاست مخالف تقاریر کیس : مریم اورنگزیب کے وارنٹ گرفتاری جاری

لاہور : انسدا ددہشت گردی عدالت نے ریاست مخالف تقاریر کیس میں مسلم لیگ ن کی رہنما مریم اورنگزیب کے ناقابل ضمانت وارنٹ گرفتاری جاری کردیئے۔
تفصیلات کے مطابق انسدا ددہشت گردی عدالت میں ریاست مخالف تقاریر کیس کی سماعت ہوئی، مریم اورنگزیب آج بھی عدالت میں پیش نہ ہوئیں۔
عدالت نے مریم اورنگزیب کے ناقابل ضمانت وارنٹ گرفتاری جاری کردیئے ، عدم پیشی پر ناقابل ضمانت وارنٹ جاری کئے گئے۔
پراسیس سرور اہلکار نے عدالت میں رپورٹ جمع کرائی، جس میں کہا کہ ایڈریس درست نہ ہونے کی باعث وارنٹ کی اطلاع نہیں دی جا سکی ، وارنٹ گرفتاری نوٹس پر پارلیمنٹ لاجز کا ایڈریس درج تھا تاہم مریم اورنگزیب پارلیمنٹ لاجز والی رہائش پرموجودنہیں تھیں۔
گزشتہ سماعت پرمریم اورنگزیب کی عدم پیشی پر قابل ضمانت وارنٹ جاری ہوئے تھے